TEMA 2 Apartado 1 COMO SE REPRODUCEN AS CÉLULAS? paxina 22

A NECESEIDADE DA DIVISIÓN CELULAR

A reprodución ou división celular é o proceso polo cal unha célula se divide en dúas células fillas xeneticamente idénticas entre si e a célula

• O crecemento do corpo: Os trillóns de células que forman o corpo humano orixináronse por divisións celulares do óvulo fecundado. 

• Renovar os tecidos desgastados ou danados, ou repoñer as células que morren.

 CROMOSOMAS E DIVISIÓN CELULAR 

Os cromosomas localízanse no núcleo celular e posúen a información xenética que se ten que transmitir as células fillas en cada división celular.

Os cromosomas están formados por cromatina, que é a asociación de ADN e proteínas.

Antes da división celular, o ADN duplícase para transmitir información ás dúas células fillas. A cromatina condénsase, formando fibras curtas e grosas, chamadas cromosomas.

Na división celular, o cromosoma aparece duplicado, formando dúas cromátides.













CROMOSOMAS E XENES

Cada cromosoma ten miles de xenes ordenados linealmente.

Un xene é un pequeno segmento da mólecula de ADN. Os xenes das dúas cromátides de cada cromosoma son idénticos.


COMO SE CLASIFICAN E ANALIZAN OS CROMOSOMAS

O conxunto de cromosomas dun individuo denomínase cariotipo. Os humanos posúen 46 cromosomas, a metade son heredados do pai e a outra metade son heredados da nai. Por iso, os 46 cromosomas correspóndense con 23 parellas de cromosomas homólogos.

Todas as células somáticas posúen as 23 parellas de cromosomas, e teñen o nome de células diploides.  Os gametos son as únicas células haploides, conteñen 23 cromosomas.